| تبليغات | X |
 |
 |
|
|
آللهین آدیله سویون داماریمــدا قان، چؤرگین جانیم اولدی داغین داشیـــــن بولاغین، آدیم- نشانیم اولدی اوغلانلارین قهرمان ، قیزلارین خانیم اولدی فــــــــــــخر ائله سین آدینا آذربایجانیم منیم ایـگیدائللی، شانلی یورد سیسلی آرانیم منیم ******* قیزیل قــــــیه- بئشیکلی یوموروداش سنده دی ظالیــــــــــملرین ئونونده اگیلمز باش سنده دی اربابـلارلا ، خانلارا کسگین ساواش سنده دی آغیر گونده سینماییب داغ تک دورانیم منیم ایگید ائللی، شانلی یورد سیسلی آرانیم منیم ******* یول چشمه نی سویوندان ایچن اونودا بیلـــــمز پالـــــچیقلینی بیر کره کئـــــــــچن اونودا بیلمز قارتاللارین گؤرنده اوچـــــن اونــــــــودا بیلمز بو یــئرلرده کئچیبدی عؤمروم زامانیم منیم ایگید ائللی، شانلی یورد سیسلی آرانیم منیم ******* چوبـــــانلارن آرخاجی ساری قیه ن گؤزلدی سافـــــــــــار قیه لرینین باشیندا ده ن گؤزلدی داغــــین ، دوزون ،یاماجین آنا وطن گؤزلدی یازیلــــــــبدی دؤشونه یاخچی- یامانیم منیم ایـگید ائللی، شانلی یورد سیسلی آرانیم منیم ******* دره لرده گــــیزلنیب چوبانلارین "هی"سسی دشتیوان قیه سیــــــنده ن ائشید یلیر نی سسی قولاغیمدا جینگیلدیر هر آن" بالام ای" سسی داغــدان گلن نغمه دی دردیم- درمانیم منیم ایگید ائللی، شانلی یورد سیسلی آرانیم منیم ****** قره کئشــــــــــــــین، گونئی ین،آلمالیغین ،بلدیرگن آل ، آغ ، یاشیل دون گئییر یازدا گولدن چیچکده ن بئله گؤزل گـــــؤره رکــــــن سنی هر آن ای وطن آیــــــری جنــــنته گئتمز ظننیم گومانیم منیم ایگید ائللی، شـانلی یورد سیسلی آرانیم منیم آرمـــــــــــوددو دان يئننده قره چؤلون قره لر چئـــــوره سيني آليبدي سرين درين دره لر كئچميشده ن دانيشيرلار پتك ليك لر كره لر بــــوردا دولانـــــــــــار اؤلسم روحوم روانيم منيم ايگيد ائللي شانلي يورد سيسلي آرانيم منيم ****************** قره قـــــــــــيه ن چايله رين بارلي باغلار يئريدي آلاوارلار قالاجـــــــــــــــــــيق قديم چاغلار يئريدي باشا دوشسك هر يئرين پاك اوجاق لار يئريدي كيــــــمدي سنده ن آد آلــــــيب سني دانا اي وطن ملـــــي يــــــــــره م آديـــــــني يــانا يــــانا اي وطن -------------------------- چشمه لرين پيروه لين حاجي دده ن گوور آخسين آرخلاريندان دوم دورو سو دئـــمه ره م نور آخسين قوجا سؤيود توم ساچــــــين ياز يئلينه بوراخسين روحـــــلانديرسين جان وئرسين پريشانا اي وطن ملـــــي يــــــــــره م آديـــــــني يــانا يــــانا اي وطن _________________ پئشته لرين ديوه شين ديرسه ك لرين چولان وار هله أكن بئجرده ن يــــــورد أيه سي اولان وار هله آدين گلنده گؤزو ياشـــــــــــــا دولان وار اؤولاديــــــــــــــــــني چاتديردين آدا سانا اي وطن ملـــــي يــــــــــره م آديـــــــني يــانا يــــانا اي وطن ________________________ په يه ليلر ياسسي داش بهمن شيوي ياتاغي يانير بو يئرلرده ده هـــــــــــــــله ائلين اوجاغي گئجه گوندوز چاليـــــشيب جانلانديريب توپراغي بو ائـــــــل سني دؤنـــــــده ره ر گولوستانا اي وطن ملـــــي يــــــــــره م آديـــــــني يــانا يــــانا اي وطن ************************ عقيل مرادي |
||
|
+
نوشته شده در جمعه دوازدهم مرداد 1386ساعت 1:7 توسط eb m mkh h
|
|
||
|
|
درباره |
|
|
||
|
|
|
|
|
صفحه نخست پست الکترونیک آرشیو وبلاگ عناوین مطالب وبلاگ |
||
|
|
نوشته های پیشین |
|
|
هفته چهارم بهمن 1386 هفته دوم مهر 1386 هفته اوّل شهریور 1386 هفته سوم مرداد 1386 هفته دوم مرداد 1386 هفته اوّل مرداد 1386 هفته اوّل تیر 1386 هفته سوم خرداد 1386 |
||
|
|
آرشیو موضوعی |
|
|
سه ساران |
||
|
|
پیوندها |
|
|
حکیم ابوالقاسم نباتی حاقیندا جولفا شاعیر لرینین شعرلری شهرستان جلفا ترک شاعرلرینین شعرلری آنایا گوره شعر لر سیس آران حاقیندا شعر لر سیس آران شکیل باخیمیندان |
||
|
|
|
|
|
POWERED BY
BLOGFA.COM |
||